విజయవాడలో ఈవెంట్ డ్యాన్సర్ అనుమానాస్పద మృతి
- స్థానిక వాంబే కాలనీలో మృతి కలకలం
- తన నివాసంలో సీలింగుకి వేలాడుతూ విగతజీవురాలిగా గాయత్రి
- తన భార్య మృతికి నీలిమ కారణమంటున్న భర్త
- గాయత్రి మృతిపై సందేహాలు వ్యక్తం చేస్తున్న కుటుంబ సభ్యులు
- కేసు నమోదు చేసుకుని దర్యాప్తు ప్రారంభించిన పోలీసులు
విజయవాడలో ఓ ఈవెంట్ డ్యాన్సర్ మృతి చెందిన ఘటన తీవ్ర కలకలం రేపింది. స్థానిక వాంబే కాలనీలో నివసించే గాయత్రి ఓ ఈవెంట్ డ్యాన్సర్. అయితే తన నివాసంలో ఉరి వేసుకున్న స్థితిలో గాయత్రి విగతజీవురాలిగా కనిపించింది. దీనిపై గాయత్రి భర్త స్పందిస్తూ, తన భార్య మృతి చెందడానికి ముందు నీలిమ అనే యువతి తమ ఇంటికి వచ్చిందని తెలిపాడు. తాను ఆ సమయంలో పిల్లలతో కలిసి బయటికి వెళ్లానని వివరించాడు. నీలిమతో గొడవ వల్లే గాయత్రి చనిపోయిందని ఆరోపించాడు. కాగా, గాయత్రి మృతిపై కుటుంబ సభ్యులు సందేహాలు వ్యక్తం చేయడంతో పోలీసులు అనుమానాస్పద మృతిగా కేసు నమోదు చేశారు.